Video
Read full review
2023-08-20
58 views
寶藍色與白色的聖托尼島風情裝潢，配合彩繪燈光吊燈，座落觀塘的工商業大廈內，電梯直上免除舊式工廠大廈嘅破舊感覺，電梯直出就係餐廳，而且距離觀塘地鐵站只係5分鐘步程！喺APM行過嚟都幾舒服同易搵。估唔到平日夜晚都咁多人嚟呢度食，後尾發現佢哋真係幾抵食，百零蚊就已經有扒可以食到，而且仲可以跟埋忌廉湯或者薯仔沙律，仲有小食嘅瑞士汁雞翼、餐飲同甜品添！甜品有啫喱同奶凍可以揀，而且每一份餐點嘅份量都唔細，絕對唔會偷工減料！係非常之有良心嘅港式西餐廳之選！餐飲我同媽咪就點咗香甜蜜桃梳打同蜂蜜柚子梳打，啱晒天時暑熱消暑解涼，入口甜甜地冰底夠又唔會太多。西蘭花薯仔忌廉湯跟餐嘅薯仔忌廉湯非常香濃，食到西蘭花微小嘅粒粒，薯仔蓉打出嚟令湯質杰身一些更飽肚有口感。薯仔沙律我跟餐嘅前菜點咗一份薯仔沙律，估唔到薯仔咁足料，而且薯仔煮到帶粉狀，配合調味飽腹滋味。香煎厚切肉眼扒跟意粉 （配秘製牛肝菌汁/秘製黑椒汁/燒肉汁）媽咪點咗一份肉眼扒拼意粉，意粉以香蒜炒香炒得啱啱好，濕度剛剛好！呢份肉眼扒好大塊！而且叫七成熟啱啱好仲見到粉紅色，肉汁香濃入口熟度剛剛好，配搭埋秘製牛肝菌汁真係分外滋味！蒲燒鰻魚飯 （原條鰻魚配炒飯底
寶藍色與白色的聖托尼島風情裝潢，配合彩繪燈光吊燈，座落觀塘的工商業大廈內，電梯直上免除舊式工廠大廈嘅破舊感覺，電梯直出就係餐廳，而且距離觀塘地鐵站只係5分鐘步程！喺APM行過嚟都幾舒服同易搵。估唔到平日夜晚都咁多人嚟呢度食，後尾發現佢哋真係幾抵食，百零蚊就已經有扒可以食到，而且仲可以跟埋忌廉湯或者薯仔沙律，仲有小食嘅瑞士汁雞翼、餐飲同甜品添！甜品有啫喱同奶凍可以揀，而且每一份餐點嘅份量都唔細，絕對唔會偷工減料！係非常之有良心嘅港式西餐廳之選！餐飲我同媽咪就點咗香甜蜜桃梳打同蜂蜜柚子梳打，啱晒天時暑熱消暑解涼，入口甜甜地冰底夠又唔會太多。
西蘭花薯仔忌廉湯跟餐嘅薯仔忌廉湯非常香濃，食到西蘭花微小嘅粒粒，薯仔蓉打出嚟令湯質杰身一些更飽肚有口感。
薯仔沙律我跟餐嘅前菜點咗一份薯仔沙律，估唔到薯仔咁足料，而且薯仔煮到帶粉狀，配合調味飽腹滋味。
香煎厚切肉眼扒跟意粉 （配秘製牛肝菌汁/秘製黑椒汁/燒肉汁）媽咪點咗一份肉眼扒拼意粉，意粉以香蒜炒香炒得啱啱好，濕度剛剛好！呢份肉眼扒好大塊！而且叫七成熟啱啱好仲見到粉紅色，肉汁香濃入口熟度剛剛好，配搭埋秘製牛肝菌汁真係分外滋味！
蒲燒鰻魚飯 （原條鰻魚配炒飯底）真係每一份主食都非常大份，應該係我暫時見過最大碟嘅炒飯底！而且原條鰻魚都冇花冇假，配合埋鰻魚醬汁，炒飯底粒粒分明，真係好開胃！
Post
