No. 5 Lounge (Closed)

今日喺studio做完嘢，返屋企前想去chill下飲杯嘢，但又唔想特登搭車去第二區，上網搵到呢間新開嘅酒廊。雖然佢喺food court入邊，但係佢嘅位置比較入，而且感覺比較別樹一格，啲檯檯櫈櫈都係我喜歡嘅風格，播埋英文歌，仲有可以睇波嘅大電視，最重要係佢性價比高，cocktail60-70有交易。適逢佢呢期萬聖節，所以佢都因能主題有啲特別嘅飲品。我試左佢個荔枝martini，味道都好濃，唔似其他淡到冇味，冇乜料到，呢度飲一杯都已經好放鬆。佢面頭嘅荔枝係新鮮果肉，中間加一粒新鮮藍莓，道好似一粒眼睛咁，夠晒應節。另外仲試埋佢杯巨峰提子tequila，同樣地濃度都係童叟無欺，但因為巨峰提子嘅關係，呢一杯會比較甜，相對更易入口。另外佢唔似其他酒吧俾花生你，而係可以嗌爆谷，真係飲返杯，食住爆谷睇下波，都好舒服架。