Four O Five Coffee & Eatery

Open Now

Now Closed

趁住周日人流較少，去咗觀塘工業區樓上幫阿仔買野。未食早餐開始有啲餓，於是周圍睇下有乜好野食。誤打誤撞搵到呢間位於成業街成業工業大廈地下嘅cafe 餐廳，個名都幾特別「Four O Five Coffee & Eatery 」，有咖啡飲有野食，就一於試下。餐廳佔地面積十分大，有三排長長米白色梳化椅，深木色餐枱，掛上特燈飾；全埸超過六十個座位，另設有一間透明玻璃廂房，感覺上非常有格調氣派。周日人流的確較少，可以安靜地慢慢用餐。以QR code 手機自助點非常方便。餐廳供應食物種類頗多，主食有意粉、燴飯等；亦有小食、沙律；甜品尤其選擇更多，有梳乎厘、班戟、甜撻及爆漿tiramisu 等等。《蒜香白酒蜆肉意粉》（$106/set )包飲品，意粉份量足，吸收蜆肉鮮味、蒜香及白酒味道，配上洋蔥絲及香葉，整體味道非常出色。飲品熱朱古力咖啡，有靚拉花，咖啡杯亦十分別緻，可以感受到餐廳各方面都十分用心經營。難得假日心情特別輕鬆，所以決定再來一點甜。本來好想一試餐廳主打甜品梳乎厘，不過跟店員了解份量足夠供兩人享用，為免浪費，所以最後選了《流心爆漿Tiramisu 》（$68），拉起膠套之後，果然非常爆漿，