神木日本料理 (Closed)

喺APM 睇完電影想食日本嘢，上網見到呢間神木日本料理，於是決定嚟試試。觀塘站行過去大約5分鐘左右，位置方便。店內環境舒適，裝飾充滿日式風格。而且餐牌菜式應有盡有，壽司、串燒、炸物同料理等。✨蟹籽沙律🥗蟹籽沙律嘅青瓜絲爽脆開胃，加埋蟹籽做裝飾，顏色吸引之外，口感清新。✨彩虹卷一次過可以試晒六款唔同嘅口味嘅彩虹卷，分別有左口魚、三文魚同吞拿魚等，中間仲有青瓜、同玉子，口感層次豐富。✨雜錦燒物最鍾意燒雞翼同月見免治雞肉棒，雞翼燒得金黃香脆，而且肉質嫩滑。月見免治雞肉棒燒到香噴噴，肉汁鮮香肉嫩。仲有兩款野物串燒，車厘茄🍅同翠玉瓜，中和返食肉既油膩感。 ✨蒜蓉燒生蠔🦪宜家仲有優惠可以加$10/隻蒜蓉燒生蠔🦪，我哋都叫咗嚟試試，燒生蠔食落香口惹味！✨鍋燒烏冬鍋燒烏冬材料豐富，有炸蝦天婦羅🍤、温泉蛋、紅蘿蔔等，湯底調味啱啱好！呢幾日天氣轉涼，叫返份熱焫焫嘅鍋燒烏冬就啱晒啦～