丼瀛 (Moved) New Location

觀樓樓上不嬲有好多野食，今日約左朋友食日本野，佢係工廈入面既，仲有個平台仔，都有啲特式。我地叫左個壽司定食同埋三文魚海膽刺身飯，入面有厚厚蟹子舖面，仲有厚切三文魚，海膽就放係裝飾塊葉上面，咁就唔會散晒啦。三文魚好新鮮，啲蟹卜卜脆咁，配埋醋米，好滿足呀。朋友叫既壽司定食有烏冬跟埋，有8件壽司同埋四件小卷件件都好大舊，好新鮮，魚生都算厚切，最正都係件帶子，大大粒，好鮮好正！佢仲會配埋面鼓湯同湯律前菜，飲品，食完真係大滿足，再行工廈開倉。