Video
Read full review
2020-01-20
65 views
作為香港人，近幾個月都不斷去尋找一啲好食嘅良心小店懲罰佢哋，記得好耐之前大個媽咪同男朋友嚟食壽司，map到見到之後即刻帶媽咪再黎二刷😚未行到入去已經感受到濃濃既香港本土人情味，唔洗多講，大家去圖！今次店員帶咗我哋去出面嘅座位，嗰度有好多閃閃下嘅紫色吊燈仔，氣氛好浪漫，而且空間比較大，比較適合情侶進餐用！首先我哋叫咗個松葉蟹肉海膽甜蝦丼($158)，松葉蟹肉分量十足，一啲都冇偷工減料，味道鮮甜無比。海膽鮮味冇腥味，甜蝦每條都有手指咁大條，食落啖啖肉，十分滿足。三樣食材撈埋一齊食非常匹配。天氣咁凍點可以唔打返個bino ($138)呢！我哋選擇咗黑豚肉，同加左20蚊轉左讚岐烏冬。呢個火鍋嘅黑蒜油湯底，未沸騰之前已經令我同媽媽食指大動，傳出黎既香味令我地迫不及待想快啲食！黑蒜油配豚肉簡直冇嘢可以挑剔，有種食得返喺鹿兒島旅行既時候食既shabushabu既味道！烏冬亦好高質，煮完呈少許透明色，食落好彈牙爽口。最後小食叫左流心芝士漢堡扒，啲流心芝士既份量真係唔係講笑㗎😩😩😩仲有兩條燒得外脆內軟既串燒。就算撇除佢既立場，中立以食物質素同性價比黎睇，依間良心小店都依然係無得輸㗎！
未行到入去已經感受到濃濃既香港本土人情味，唔洗多講，大家去圖！
今次店員帶咗我哋去出面嘅座位，嗰度有好多閃閃下嘅紫色吊燈仔，氣氛好浪漫，而且空間比較大，比較適合情侶進餐用！
首先我哋叫咗個松葉蟹肉海膽甜蝦丼($158)，松葉蟹肉分量十足，一啲都冇偷工減料，味道鮮甜無比。海膽鮮味冇腥味，甜蝦每條都有手指咁大條，食落啖啖肉，十分滿足。三樣食材撈埋一齊食非常匹配。
天氣咁凍點可以唔打返個bino ($138)呢！我哋選擇咗黑豚肉，同加左20蚊轉左讚岐烏冬。呢個火鍋嘅黑蒜油湯底，未沸騰之前已經令我同媽媽食指大動，傳出黎既香味令我地迫不及待想快啲食！黑蒜油配豚肉簡直冇嘢可以挑剔，有種食得返喺鹿兒島旅行既時候食既shabushabu既味道！烏冬亦好高質，煮完呈少許透明色，食落好彈牙爽口。
最後小食叫左流心芝士漢堡扒，啲流心芝士既份量真係唔係講笑㗎😩😩😩
仲有兩條燒得外脆內軟既串燒。
就算撇除佢既立場，中立以食物質素同性價比黎睇，依間良心小店都依然係無得輸㗎！
Post
