Four O Five Coffee & Eatery

Open Now

Now Closed

觀塘區有好多西餐廳，不過來去匆匆，好多餐廳都係經營一至兩年左右。最近發現又有一間新既樓上西餐廳叫Four O Five。面積嚟講真係好大，環境寬敞，以米白色為主調，包括傢俬都係。我8:30pm到達餐廳既時候已經座無虛席。- 川味雞軟骨我以為係一兩串，點知份量咁多😂。味道真係好麻辣，非常惹味。- 岩鹽燒牛舌芯餐廳既牛舌質素同日式居酒屋可以媲美。牛舌芯比較薄身，不過勝在柔嫩爽彈，有少少油香。調味適中，唔會過鹹。- 溫泉蛋卡邦尼煙肉意粉麵條有Al Dante口感，配料有煙肉、磨菇、洋蔥等等。醬汁幾creamy唔會太水，另外加左溫泉蛋令意粉口感更順滑。- 手工日本和牛漢堡配薯條和牛漢堡有兩件，我同朋友一人一件，唔會食到好狼狽。味道方面，和牛好juicy，加上芝士真係好邪惡😈。薯條勁香脆，而且有少少辣辣地。- 伯爵茶珍珠梳乎厘班戟餐廳梳乎厘有好多款，不過安全起見我試左基本款先🤣。賣相好吸引，梳乎厘上面淋上伯爵茶醬，然後再放上大量珍珠。梳乎厘一共有兩層，蛋香唔算好重，但幾鬆軟，伯爵奶茶醬唔算太甜，珍珠口感煙韌，整體都幾出色👍🏻整體而言，食物嘅款式非常多，上菜速度好快，我相信Four O Five