東羅 泰館 (Closed)

今日去咗觀塘裕民坊食泰國嘢。店員安排了卡位，坐得舒服，裝修簡潔走清新泰國風，價錢合理。手作花香斑凘藍蝶豆花茶賣相十分靚，打卡一流，以紫色為主調，呈深淺狀態，飲落去甜甜地，有蝶豆花獨特的香。芒果紅菜頭米紙卷紅菜頭同芒果非常夾，芒果帶甜，紅菜頭帶酸。互相中和，還夾雜了瓜菜絲，食落清新爽口。炭烤虎蝦串燒配泰式酸辣醬炭燒過的虎蝦好新鮮彈牙，可惜比想像中size細了一點點，勝在質量搭救。泰式自家手打脆炸蝦餅店員推介，由大廚親手打製而成，正正方方與別不同，食落爽口彈牙，炸得鬆脆呈金黃色。街頸大蝦炒金邊粉分量十足，金邊粉炒得剛剛好，鑊氣夠。大蝦夠大隻，同樣爽口彈牙。芭堤雅炭烤脆燒雞（半隻）製作需時，師傅即叫即做，保證熱辣辣，不枉耐心等候，雞肉非常鮮嫩，外皮香脆，調味剛剛好，配上特色醬汁好惹味，值得推介。