Video
Read full review
2023-05-24
109 views
📌 磯の水產 - 觀塘海濱道133號萬兆豐中心地下3號舖🗓(24/5) 星期三 ⏰ 晚上7點左右 💈特式：今日收工過左觀塘搵一個係個邊返工嘅朋友食飯，朋友介紹去食呢間磯の水產，佢話試過佢地嘅set lunch質素唔錯，又抵食，所以想嚟試埋佢地晚市食物。🥩🍔🌭🌮🥗🥯🥘🍲🍝🍣🥟🍤🍱食物：因為我未食過呢間餐廳，我朋友比較有經驗，所以點菜方面就交晒比佢發板，餐廳晚市都係以散叫為主，而家等我同大家講下🎌🏮味道先。火龍卷 $88 - 呢個就係炸蝦卷，但本身我以為只係普通嘅炸蝦卷，但叫得火龍卷應該會有少少唔同，原來佢表面好似千島醬嘅醬汁係辣的，配埋好脆口嘅炸蝦，香辣好味。香蔥吞拿魚腩卷 $88 - 呢個係朋友推介比食，佢地唔會淨係用蔥，當中應該仲加左少少京蔥，個蔥香味進一步提升左，真係水準之作。蟹肉牛油果沙律 $78 - 日式餐廳嘅沙律一直都係做得唔錯，呢間都唔例外，表面有滿滿嘅蟹肉，下面就係新鮮牛油果同沙律菜，配以日式胡麻沙律醬，簡單得嚟好清新。豚肉蘆筍卷 $68 - 如果牛肉同金菇係絕配的話，咁豚肉同蘆筍都唔會比佢地遜色，呢間餐廳個豚肉蘆筍卷個靈魂係表面上嘅醬汁，令到成個菜更
🗓(24/5) 星期三 ⏰ 晚上7點左右
💈特式：今日收工過左觀塘搵一個係個邊返工嘅朋友食飯，朋友介紹去食呢間磯の水產，佢話試過佢地嘅set lunch質素唔錯，又抵食，所以想嚟試埋佢地晚市食物。
🥩🍔🌭🌮🥗🥯🥘🍲🍝🍣🥟🍤🍱
食物：因為我未食過呢間餐廳，我朋友比較有經驗，所以點菜方面就交晒比佢發板，餐廳晚市都係以散叫為主，而家等我同大家講下🎌🏮味道先。
火龍卷 $88 - 呢個就係炸蝦卷，但本身我以為只係普通嘅炸蝦卷，但叫得火龍卷應該會有少少唔同，原來佢表面好似千島醬嘅醬汁係辣的，配埋好脆口嘅炸蝦，香辣好味。
香蔥吞拿魚腩卷 $88 - 呢個係朋友推介比食，佢地唔會淨係用蔥，當中應該仲加左少少京蔥，個蔥香味進一步提升左，真係水準之作。
蟹肉牛油果沙律 $78 - 日式餐廳嘅沙律一直都係做得唔錯，呢間都唔例外，表面有滿滿嘅蟹肉，下面就係新鮮牛油果同沙律菜，配以日式胡麻沙律醬，簡單得嚟好清新。
豚肉蘆筍卷 $68 - 如果牛肉同金菇係絕配的話，咁豚肉同蘆筍都唔會比佢地遜色，呢間餐廳個豚肉蘆筍卷個靈魂係表面上嘅醬汁，令到成個菜更完美，豚肉同蘆筍做得一d都唔乾唔硬，仲keep到好juicy
海鰻天婦羅 $48 - 朋友介紹話好少居酒屋會用海鰻做天婦羅，所以叫我試下，係同平時食開嘅海鰻有好唔同嘅感覺，相信送酒真係一流。
雞肉丸串 $78 - 呢個雞肉丸串我比好高分，因為佢d雞肉入面有加雞軟骨碎，每口淋滑嘅雞肉質地上加配脆口嘅口感，再沾埋佢地提供嘅日本蛋拌醬油，更加好味道。
鰻魚炒飯 $138 - 主食就叫左個鰻魚炒飯，好鐘意佢放上面嘅紫菜絲，鰻魚肉都好多，一碟份量應該夠3~4個人食。
☕️🍵🥤🧋🍺🍷🥃🍹🧉🍾🍶🥛
飲品 : 始終呢間係居酒屋，酒類真係多到一個點，清酒都有差唔多30款不同種類，另外仲有柚子酒/梅酒，幾款日本啤酒等等，不過今日有幾聲咳，所以就無叫酒了，都係乖乖地飲茶算，佢地會提供一壼玄米茶比客人，壼內見到大量炒香過嘅米，茶味幾香。
🍽環境：餐廳鄰近觀塘海濱公園，只係一條馬路之隔，店面用上全部落地大玻璃，店外內都掛左好多日式嘅紅燈籠，餐廳內佈置/佈局就類似日本食開嘅居酒屋/磯燒水產店咁上下。
🤵🏻🤵🏻♀️🤵🏻♂️服務：店員服務好好，有好詳細咁介紹menu，上菜/收碟/加水時都好有禮貌，但又會留到合適距離/私隱度比客人，因為始終係居酒屋，嚟幫襯嘅客人大多都係三兩知己傾計吹水。
💰💸價錢：係一間居酒屋叫左咁多野食，埋單都唔洗$600，呢個價錢係香港都已經算抵食，但朋友介紹佢地嘅lunch set更加抵食，希望下次有機會可以試下。
🐲💬總結：整體嚟講，我對今次呢餐飯都非常滿意，包括食物質素/環境/氣氛等等，期待試埋佢地嘅lunch set同浜燒海鮮。
推薦指數：❤️❤️❤️❤️❤️
火龍卷
$88
6 views
0 likes
0 comments
香蔥吞拿魚腩卷
$88
3 views
0 likes
0 comments
蟹肉牛油果沙律
$78
17 views
0 likes
0 comments
豚肉蘆筍卷
$68
5 views
0 likes
0 comments
海鰻天婦羅
$48
1 views
0 likes
0 comments
雞肉丸串
$78
1 views
0 likes
0 comments
鰻魚炒飯
$138
6 views
0 likes
0 comments
Post
