Video
Read full review
2024-01-18
25 views
同朋友仔係觀塘海濱散步遊，吹吹下海風就開始肚餓，見到呢間大紅燈籠好吸引嘅居酒屋，仲要對面馬路都聽到佢播住米津玄師嘅歌，鍾意日本嘅我咁就畀佢吸引咗過嚟食喇門外有站立位可以一路飲酒一路吹水，去到嘅時候已經有好多打工仔喺度chill。呢度提供嘅清酒種類好多，入面一幅牆都係店內有售清酒嘅poster， 坐低就付上餐前小食，有牛蒡、海帶同醃青瓜蘿蔔，酸酸甜甜好開胃預備食好嘢。每日仲有突發幸運時段，店員會邀請顧客或店員自己去打下店內太鼓，即刻全場免費有清酒送，顧客一齊歡呼，增加左特別嘅氣氛，幸運嘅我哋係用餐期間遇上兩次！燒自家製豬大腸串（$36）豬大腸燒得外脆內軟，有油香，但係食落唔肥膩，食到落底細粒嗰啲，食落好香脆好似薯片咁清酒煮蜆 （$68）呢個蜆一攞上枱就聞得好香清酒味，配合埋啲大葱，個湯飲落好香，但係酒精就完全揮發，唔會有平時清酒煮蜆嗰啲臭酒味，蜆肉熟程度剛好，唔會過熟縮埋一嚿鹽燒牛肋條 （$38）牛肉味濃郁， 牛脂比例較高，建議趁熱食，享受經火烤牛脂香味鹽燒雞心串 （$28）食落入面有啲粉粉哋嘅口感，同香料配搭唔錯鹽燒雞腎串 （$28）鍾意食雞腎嘅朋友都會驚好韌嘅雞腎， 擔心燒過火會好柴
門外有站立位可以一路飲酒一路吹水，去到嘅時候已經有好多打工仔喺度chill。呢度提供嘅清酒種類好多，入面一幅牆都係店內有售清酒嘅poster， 坐低就付上餐前小食，有牛蒡、海帶同醃青瓜蘿蔔，酸酸甜甜好開胃預備食好嘢。每日仲有突發幸運時段，店員會邀請顧客或店員自己去打下店內太鼓，即刻全場免費有清酒送，顧客一齊歡呼，增加左特別嘅氣氛，幸運嘅我哋係用餐期間遇上兩次！
燒自家製豬大腸串（$36）
豬大腸燒得外脆內軟，有油香，但係食落唔肥膩，食到落底細粒嗰啲，食落好香脆好似薯片咁
清酒煮蜆 （$68）
呢個蜆一攞上枱就聞得好香清酒味，配合埋啲大葱，個湯飲落好香，但係酒精就完全揮發，唔會有平時清酒煮蜆嗰啲臭酒味，蜆肉熟程度剛好，唔會過熟縮埋一嚿
鹽燒牛肋條 （$38）
牛肉味濃郁， 牛脂比例較高，建議趁熱食，享受經火烤牛脂香味
鹽燒雞心串 （$28）
食落入面有啲粉粉哋嘅口感，同香料配搭唔錯
鹽燒雞腎串 （$28）
鍾意食雞腎嘅朋友都會驚好韌嘅雞腎， 擔心燒過火會好柴，呢個雞腎脆口但唔會好乾好韌
汁燒豚肉荔枝串 （$38）
估唔到荔枝同豬肉串燒竟然可以咁夾，荔枝嘅甜味中和咗汁燒豬肉嘅油膩感，會想食多幾粒
鹽燒雞尾串 （$28）
香脆有汁，唔肥膩又唔乾，比平時只有一層薄薄嘅雞皮多咗一層口感
汁燒大蔥雞肉串 （$28）
雞肉香滑唔柴，大葱夠甜多汁，醬汁味道剛好
豚肉金針菇卷 （$28）
金針菇食落唔韌，唔會好似平時啲金菇肥牛卷咁咬極都咬唔開
極上牛小排鍋 $148 加20配烏冬
豐富配料嘅壽喜燒鍋，有金菇白菜紅蘿蔔豆腐同鳴門卷， 牛小排份量足夠，好滑，配埋烏冬，兩個人食就大滿足
燒菠蘿 （$18）
落咗鹽水先去燒，好似有層鹽水膜包住個菠蘿，係鹹鹹甜甜嘅感覺
中華風蒜蓉燒茄子 （$38）
好大條，茄子燒得夠軟糯好食，做到味噌茄子嗰個感覺，只係變咗中華蒜蓉風味，鍾意蒜蓉味嘅朋友，要試試哦
鴨肝多士(2件) （$78）
係居酒屋可以食到鴨肝多士係開心嘅，鴨肝唔會燒到好熟，入面仲有汁，多士唔會乾，內裏係軟身鬆化
整體性價比唔錯，放工可以坐喺度慢慢同朋友傾計飲酒聽音樂， 如果能剛好可以遇上幸運打鼓送清酒時間，就很開心喇
Post
