磯の水產

Open Now

Now Closed

假日又出去走走，去咗觀塘海濱長廊散步，附近泊車都幾平🅿️ ，$4 / $10 半個鐘都有，可以一去再去！行到日落黃昏，去對面間居酒屋🏮食埋野先走，質素都唔錯👍🏻🥗 刺身沙律醬油伴三文魚、吞拿魚、油甘魚，鮮甜味美。再配沙律菜夠晒fresh ，撈埋啲沙律醋酸酸甜甜好開胃。🦐炸白蝦第一次食炸白蝦，質感香軟酥脆。蝦味非常突出，有法似食緊蝦條。炸得乾身，無油膩感，好食👍🏻🍢豬腩串燒、雞肉大蔥上到枱仲出緊煙，熱辣辣好惹味！每串都份量十足，好聚手🤣。豬腩燒到脂香撲鼻，食落又唔會太附脂肪，岩岩好。雞肉嫩嫩的，大蔥甜甜的，味道好夾。🦀牛油果軟殼蟹卷軟殼蟹炸得好酥脆，同牛油果🥑一齊食中和返炸物嘅肥膩感。牛油果控必食！🐠鰻魚炒飯去到邊都要食鰻魚炒飯😄。熱哄哄嘅炒飯用珍珠米炒成，飯粒分明好乾爽，而且每啖都食到鰻魚肉，好有滿足感。🍨 椰子雪糕飯後甜品椰子雪糕～！用新鮮椰肉製造，奶味香濃，口感似雪糕，其實是雪葩。