Video
Read full review
2024-04-25
1141 views
講真觀塘啲Café真係食都食唔晒，好多間都好高質好得我心。如果甜品嚟講，The Hunt都可以稱得上係相當出色，無論係味道或者擺盤，你睇得出、食得出係好有心機。雖然佢啲主食都好吸引，但係自問我覺得我鍾意佢啲甜品多好多，所以都相當推薦大家嚟試佢啲甜品。‣ German Cheese Cake $58 ⭐️⭐️⭐️✨佢面頭有一層焦糖，令我諗返起壽司郎嘅卡達拉娜，當然無論係價錢同埋味道，兩者都係冇得比嘅。佢嘅芝士蛋糕餅底都相當鬆脆，芝士味濃郁，你可以食得出有三層嘅口感。除此之外，佢仲附送咗一個紅莓雪葩，除咗令到個口感味道更加豐富之外，仲可以令到成個芝士蛋糕唔會太過膩。‣ Forbidden Lover $68 ⭐️⭐️⭐️⭐️⭐️我勁鍾意佢嘅野莓醬，酸酸甜甜搭配mousse真係一流，特別當你嗌咗咁多個甜品嘅時候，酸酸甜甜嘅嘢就零舍開胃。雖然佢都係cheese cake，但佢係Bailey’s cheese cake，帶住淡淡嘅酒香味，同另一個芝士蛋糕感覺好唔一樣，食落去嘅口感都唔同，呢個感覺更加「刺激」。當然如果俾我揀多次，我應該淨係會揀Forbidden Lover，好鍾意佢成個配搭，當你連埋隔離嘅橙味雪
‣ German Cheese Cake $58 ⭐️⭐️⭐️✨
佢面頭有一層焦糖，令我諗返起壽司郎嘅卡達拉娜，當然無論係價錢同埋味道，兩者都係冇得比嘅。佢嘅芝士蛋糕餅底都相當鬆脆，芝士味濃郁，你可以食得出有三層嘅口感。除此之外，佢仲附送咗一個紅莓雪葩，除咗令到個口感味道更加豐富之外，仲可以令到成個芝士蛋糕唔會太過膩。
‣ Forbidden Lover $68 ⭐️⭐️⭐️⭐️⭐️
我勁鍾意佢嘅野莓醬，酸酸甜甜搭配mousse真係一流，特別當你嗌咗咁多個甜品嘅時候，酸酸甜甜嘅嘢就零舍開胃。雖然佢都係cheese cake，但佢係Bailey’s cheese cake，帶住淡淡嘅酒香味，同另一個芝士蛋糕感覺好唔一樣，食落去嘅口感都唔同，呢個感覺更加「刺激」。當然如果俾我揀多次，我應該淨係會揀Forbidden Lover，好鍾意佢成個配搭，當你連埋隔離嘅橙味雪糕一齊食，感覺又會清新好多，好過癮。
‣ Hunt Signature Tiramisu $78 ⭐️⭐️⭐️⭐️✨
佢嘅Tiramisu賣相真係一流，拎嚟打卡勁靚，當然佢嘅味道都相當出色。我覺得佢嘅手指餅整得啱啱好，唔會話太乾唔會話太濕，食到咖啡味嘅同時，又唔會覺得酒味好濃。不過對於我呢一個好鍾意食cream嘅人嚟講，我覺得佢多多啲啲cream我就會更加開心，但係當然呢個都係雞蛋入邊挑骨頭，整體嚟講確實好出色。如果你問我最鍾意係咩，我會答你係佢嗰塊橙乾，咁樣嘅搭配好得意，同平時食落嘅Tiramisu又唔同。
Post
