東羅 泰館 (Closed)

今晚我哋就去左觀塘的東羅泰館，呢間泰國菜餐廳係我哋嘅新發現。就算係繁忙嘅晚餐時間，我哋都預約左位，所以唔洗等位。呢度嘅泰式生蝦真係出眾，我哋打4.5/5⭐️。每隻蝦都新鮮，而且份量啱啱好，鮮甜嘅味道加埋個辣醬正😋。我哋又叫左烤原個椰菜花配青咖喱醬，呢個菜式俾3.8/5⭐️。椰菜花烤到外脆內嫩，配搭上辣度適中嘅青咖喱醬，味道獨特，新鮮感十足。紅咖喱慢煮牛肋條我哋打4.2/5⭐️。牛肋條嘅肉質軟嫩，已經將紅咖喱嘅味道完全吸收，一啖入口，滿口都係濃郁嘅咖喱香氣。自家手打脆炸蝦棒係我哋個人最愛，我哋打4.4/5⭐️。蝦棒炸得外脆內軟，每條都有滿滿嘅蝦肉，而且味道十足，真係唔錯，唯一美中不足就係份量太少，如果再多啲就更完美。飲品方面，我哋叫左珊瑚柚白啤酒同蜜桃白啤酒。珊瑚柚白啤酒味道清新，而蜜桃白啤酒就比較甜。總括嚟講，東羅泰館係一間價錢合理，口味出色，值得推薦嘅餐廳。下次我哋一定會再嚟試其他菜式。