川味港私房菜

Open Now

Now Closed

川味港都算係一間川菜老字號…由大角咀做到黎觀塘樓上舖…不過千奇唔好俾個名呃到以為得辣野食…其實佢地既非川菜都做得唔錯因為今次有個朋友仔唔辣得…老闆就推介左古法太爺雞…十個頭南非吉品鮑同埋胡椒焗大蝦。當然我地唔會放過食辣機會再點多個麻婆豆腐辣辣佢太爺雞有d似豉油雞又帶香濃茶葉煙薰味…連雞胸肉做都好嫩滑南非吉品鮑…睇個樣就知好味…鮑魚炆得好入味…上碟唔會成pad獻啱啱好掛滿汁…鮑魚肉質軟糯…唔錯胡椒焗大蝦…一上檯就聞到好香胡椒味…蝦肉好實淨…夠新鮮…呢個做法夠哂惹味麻婆豆腐…望到顏色都留口水…非常好送飯3個人清哂碟…見到隔離檯點既水煮魚都好吸引…下次約多幾個朋友黎試多幾樣野