蛇王娟

Open Now

Now Closed

寒冷的北風吹吹吹，吹我要快啲食返碗太史五蛇羹暖一暖個身。幫襯咗呢間觀塘老店好多年，好味兼足料之餘最重要嘅就係佢嘅蛇湯可以添飲唔洗加錢。係，我認我係貪心嘅，不過咁好味，貪心啲都真係情有可原。今晚叫咗個細蛇羹餐(即係B餐)，有一碗細嘅臘味糯米飯，一碗細蛇羹，再加一碗蛇湯。臘味糯米飯入面有臘腸、臘肉、花生同蔥花等，味道還可以。呢度嘅蛇羹真係好足料，睇吓幅相幾full你就知道啦。另外lemon grass同薄脆又點少得呢！今晚我一共飲咗兩碗蛇湯，第二碗仲要熱辣辣，飲完成個人即刻暖笠笠。