EFG Eat for Green (Closed)

今日同大家嚟到觀塘，同大家試一間葷素共融餐廳。呢一區雖然有唔少餐廳🍴提供素食，但往往選擇唔多。而今次呢一間「 Eat for Green」晚市menu提供8款既素食🥒，例如漢堡、意粉🍝、燴飯、薄餅🍕，讓素食朋友有更多菜式供選擇。今次我地就叫左超厚素豬扒配湯麵🍜同牛肝菌雜菌燴飯。素豬扒外層炸到幾脆身，素豬扒係用左碎肉整成，雖然無豬肉咁有咬口，但食落都幾鹹香。旁邊仲有一隻溫泉蛋，食落幾滑口。店員推介我地配湯麵🍜，湯底係白味噌豆乳湯，味道唔會太濃，加埋麻油都幾香。麵線係用左日式拉麵，食落彈牙，而且份量都幾多，足夠兩個男生share😯！而牛肝菌雜菌燴飯煮到幾creamy，牛肝菌味都幾香👍🏻。旁邊仲有一條焗過大茄子🍆，配埋黑醋食都唔錯。另外，呢度既甜品幾令人驚喜。麵包布甸外脆內嫩滑，仲好有蛋香味。郁下隻碟麵包布甸已經動L動L咁郁緊。大家可以跟自己喜好加入泰奶，以泰茶味為主，又唔會過甜，整體都幾好味😋。Overall 嚟講，小店食物又唔會好貴，份量都好足，而以素食嚟講味道都唔錯，嚟到附近都可以嚟試下～