Video
Read full review
2024-01-30
31 views
嚟觀塘行街都比較少會過嚟裕民坊呢邊😂 不過呢日聽友人介紹呢度嘅平台花園有間好食嘅西餐廳 呢晚就嚟咗試吓啦餐湯及餐包揀好嘢食之後 店員就上咗兩片香草麵包俾我哋 點埋側邊嘅橄欖油同埋黑醋 味道更加出眾🍞 是日餐湯係蕃茄雜菜湯 味道唔算好酸 都幾易入口 前菜呢個套餐已經包括咗兩款前菜😚 白鯷魚茄子蓉多士 呢個多士都幾特別 酸種多士上面有茄子蓉同埋白鯷魚 就咁睇以為佢會好腥😮 但係佢整體嘅調味再配埋加上少少嘅辣粉 食落口感豐富 另一款係意大利風乾火腿拼盤 一碟有齊24個月巴馬火腿 莎樂美腸 同埋青提子 整體嘅配搭鹹香得來又幾開胃🍇炭燒安格斯封門柳配燒汁薯條封門柳一上檯嘅時候已經切開咗一件件🐮 見到肉大概有八成熟 本身都擔心咁熟會好韌 但係食落肉質軟腍得嚟又有牛味 仲有肉汁添☺️ 側邊仲有薯條同埋沙律🥗新鮮波士頓龍蝦意粉呢個意粉有成半隻龍蝦㗎🦞 龍蝦肉好容易就可以拮出嚟食 意粉係手工意粉 意粉除咗有龍蝦汁 仲加上羅勒同車厘茄調味 味道好豐富🍝甜品跟餐加配甜品有兩款 奶凍配百香果醬 呢個奶凍真係好香滑 又好重牛奶味 就咁食已經覺得口感好令人滿足 加埋面頭嘅百香果醬 成個甜品酸酸甜甜 唔會好膩🥛 覺得
餐湯及餐包
揀好嘢食之後 店員就上咗兩片香草麵包俾我哋 點埋側邊嘅橄欖油同埋黑醋 味道更加出眾🍞 是日餐湯係蕃茄雜菜湯 味道唔算好酸 都幾易入口
前菜
呢個套餐已經包括咗兩款前菜😚 白鯷魚茄子蓉多士 呢個多士都幾特別 酸種多士上面有茄子蓉同埋白鯷魚 就咁睇以為佢會好腥😮 但係佢整體嘅調味再配埋加上少少嘅辣粉 食落口感豐富 另一款係意大利風乾火腿拼盤 一碟有齊24個月巴馬火腿 莎樂美腸 同埋青提子 整體嘅配搭鹹香得來又幾開胃🍇
炭燒安格斯封門柳配燒汁薯條
封門柳一上檯嘅時候已經切開咗一件件🐮 見到肉大概有八成熟 本身都擔心咁熟會好韌 但係食落肉質軟腍得嚟又有牛味 仲有肉汁添☺️ 側邊仲有薯條同埋沙律🥗
新鮮波士頓龍蝦意粉
呢個意粉有成半隻龍蝦㗎🦞 龍蝦肉好容易就可以拮出嚟食 意粉係手工意粉 意粉除咗有龍蝦汁 仲加上羅勒同車厘茄調味 味道好豐富🍝
甜品
跟餐加配甜品有兩款 奶凍配百香果醬 呢個奶凍真係好香滑 又好重牛奶味 就咁食已經覺得口感好令人滿足 加埋面頭嘅百香果醬 成個甜品酸酸甜甜 唔會好膩🥛 覺得呢個配搭好好 另一款提拉米蘇 呢一杯層次分明 入面有點咗Espresso嘅手指餅 同埋cream cheese✌🏻
飲品
呢度有供應本地品牌嘅生啤 梗係要叫返杯支持吓啦🍺 友人就叫咗宇治抹茶鮮奶 味道濃郁 冬天飲就夠晒暖笠笠🍵
呢個晚餐真係好豐富 二人餐嚟講份量好充足 食物味道唔錯 難怪可以喺大埔開到嚟觀塘 繼續為食客提供愉快嘅餐飲體驗啦😍
Post
