哥哥添飯•妹妹泡茶

Open Now

Now Closed

🇹🇼呢間台灣嘢喺創紀之城第一期，搭巴士一定經過，我係衝着佢嘅甜品同嘢飲入去😂APM行過嚟大概5分鐘！🍜紅燒牛肉牛筋湯麵 $88+$10同你講一定要加$10升級套餐，因為加咗$10已經有多好多嘢食！以佢呢個份量，我覺得出面要加$20先有，有成兜菜真係好開心🥳食台灣嘢一定要試紅燒牛肉麵，湯底係睇呢間舖頭正唔正宗。試過冇失望，牛肉牛筋鬆軟夠林，夠入味，麵質爽口彈牙。佢碟花生我食唔停，係多咗少少鹽😂😂😂🍖避風塘風沙排骨酥 $108+$10風沙排骨炸得唔乾身，反而幾好食，份量超多！佢個椰菜沙律有配醬汁，好夾。我用嚟點埋風沙排骨食，出奇地好食😂因為酸酸地，減油膩！滷肉飯入味，肥瘦均勻。套餐仲有包兩粒泡芙，上到枱仲係凍冰冰，正！🧀乳酪芝芝六重天綜合奶茶$44-$10嗌嘢食可以減$10加配台式飲品，$34大大杯好抵飲！可以走冰走糖，個人認為已經好好飲👍🏻🍑水蜜桃果粒愛玉 $35-$10嗌咗走冰少糖，小糖係真小糖，開心🥳而且料好足，不過好似唔太食到水蜜桃果粒🍨混一色綜合手工芋圓 $44糖水用咗黑薑汁，偏甜，鍾意食甜嘢嘅人啱晒。特別一提，佢啲芋圓無論大細、質感、味道都非常好，睇餐牌係話自己製作，冇防腐劑。