盈苑

Open Now

Now Closed

前幾日，我同同事去咗觀塘間盈苑食午飯，同事話之前佢哋食過唔錯，所以我決定跟埋去試下。酒樓唔係好大間但都坐得舒服。我哋叫咗幾款點心，首先上咗鮑魚鳳眼餃，貌相唔錯，呢個鳳眼餃皮幾薄，每粒餃上面都放咗細細隻鮑魚，貌相有啲似鳳眼，再搭配一啲醋，味道更加突出。之後仲叫咗鮮肉小籠包，有個鋁紙兜裝住，小籠包飽滿多汁，調味適中，咬落去湯汁流出，大家食嘅時候要小心熱，呢個係大家都鍾意嘅經典小食。然後就試咗銀湖百花釀魚肚，呢道菜嘅魚肚口感軟滑，配上清淡嘅蝦滑，味道十分清爽，啱哂鐘意清淡口味嘅朋友。呢個小雞鹹水角就係貌相已經好吸引，外面炸得金黃酥脆，內裡包裹住咸香嘅雞肉，味道都唔錯。最後，星級乾炒安格斯牛河就成為咗我哋午餐嘅最後一道菜。牛肉幾大塊，幾易咬開，唔會鞋，河粉份量都足夠，調味不錯。盈苑嘅食物真係唔錯，點心幾得意，服務都ok，大家都食得開心。