星海．譽宴 (鱷魚恤中心)

Open Now

Now Closed

好耐冇和屋企人一起飲茶了，終於大家都得閒，一起去觀塘星海·譽宴。觀塘站B3出口，步行1分鐘，鱷魚恤中心2樓，易搵方便。餐廳裝修好有特色，靠牆裝有魚缸，缸內有好多觀賞魚，天花燈飾好有設計感，仲有婚宴舞台，好靚。整個餐廳好大，座位好闊落，坐的好舒服點心都是即叫即製，食材都好新鮮。蛋撻是酥皮的，蛋味好濃。蝦餃皮薄，晶瑩剔透，蝦大新鮮。燒賣肉味濃郁，味道都不錯。黃金膏、蒸排骨就覺得一般啦。我最推薦的是叉燒酥，酥皮鬆脆、層次豐富，餡料香口，甜鹹適中，平衡的很好，口感好好，好鍾意。魚皮爽脆，有小小辣。九肚魚就炸的好好，但底味不夠。上餐都好快，吃的很滿意，值得再去。