丼瀛 (Closed)

一間位於觀塘的良心日本料理店，位於一個唔起眼既商場。超多款式選擇，佈置可愛，座位舒適。🔸丼瀛十二味🔹$398+1♨️ 12件杯裝既壽司😍😍😍超靚既擺設！每一杯都好精美同新鮮！其中8件係壽司飯，4件係蔬菜底！當中有金目鯛、深海切魚、帆立貝、池魚、三文魚腩蟹子、芥辣魷魚、希靈魚、拖羅、黃金魷魚、日本籽膽、花之戀、牡丹蝦⋯牡丹蝦超大隻同長身，勁鮮甜。金目鯛、深海切魚、池魚，希靈魚味道較清淡。帆立貝厚身大大粒，三文魚腩蟹子口感豐富，芥辣魷魚剌激味蕾、黃金魷魚咸咸地，日本籽膽勁鮮甜、花之戀夠厚身，拖羅入口即溶。🔸 什錦天婦羅🔹$78+1♨️ 有南瓜、冬菇、紫薯、茄子、蝦，岩岩炸起，熱辣辣，唔會好厚粉。