營足四季

Open Now

Now Closed

最近開咗好多露營主題cafe，今日係觀塘都試咗一間。前菜泰式燒牛肉沙律，燒牛肉燒得有少少焦香，夠哂香口。沙律係黑醋沙律，好食又健康。巨型豬扒配薯菜，豬扒超大塊，仲大過我隻手！配菜有煙肉、粟米、翠玉瓜同蕃茄，當然唔少得薯條啦。豬扒雖然大塊，但係質感好腍好juicy，肥瘦適中，真係好好食，唔會覺得太乾或者太油膩。薯條都炸到好香脆，配合豬扒一流。甜品就試咗阿華田脆脆奶蓋瀑布蛋糕配提拉米蘇雪糕，蛋糕質地夠鬆軟，同埋有啲脆脆嘅口感，真係好好味。提拉米蘇雪糕亦都好出色，咖啡味濃郁。飲品方面，我叫咗香香甜甜嘅玫瑰咖啡，適合喜歡花香味道嘅人。Iced cappuccino，咖啡豆好香，味道偏nutty。