合十 (Closed)

雖然知道觀塘工厦有好多cafe，但係好少見呢晚去嘅合十咁浪漫，cafe室外座位較多，天幕掛滿小燈泡，晚餐時段非常好有情調。天氣熱，一嚟我哋約咗兩杯沙冰。我叫咗"藍藍天空高掛我的夢"，用咗椰漿、藍柑橘汁、菠蘿汁，好重椰子味，同時清新嘅菠蘿味中和咗口感，唔會太甜。朋友叫咗"多一士不如少一士"，主要係士多啤梨乳酪，仲有粒車厘子裝飾，十分少女心。前菜芝士巴瑪火腿拼盤：口感軟綿嘅 Parmesan cheese、經典嘅 Camembert cheese 同相對濃味嘅 Blue cheese， 拼盤仲有鹹香重味嘅巴拿馬火腿、Salami 火腿、香草包同埋沙律，十分惹味開胃。小食牛油果蟹肉他他脆餅，香脆嘅餅底上面有牛油果他他醬。中間夾雜啲蟹肉，最頂仲有三文魚子吊味。小食墨西哥脆片，食Nacho 最緊要係有得點醬，餐廳就提供咗他他醬、意式蕃茄他他醬同西班牙辣醬，同時脆片上面什作椒鹽，令人食到停唔到。主菜巨型豬扒跟薯菜，蔬菜輕輕烤過，香味更加突出。豬扒燒得啱啱好，外層焦香，肉質同時keep到 juicy，而且十分肥美，脂肪分布均勻。另外粟米同露筍有火腿包住，分外香口。甜品玫瑰伯爵茶奶蓋瀑布蛋糕配伯爵茶雪