Cobber Coffee and Tonys Pastry (Under Renovation)

由觀塘區既朋友介紹去到觀塘熱門cafe朋友大約6點15分去到提早攞位，6點30左右入得。餐廳最好係唔洗齊人先入得同埋冇限時，當然人齊先入就更加好同朋友2個女仔，叫左2個小食，1個飯，1杯沙冰，同1份甜品~~小食有鹹蛋黃薯條同埋蜜糖芥末雞翼，鹹蛋黃薯條略嫌唔係好夠鹹，而蜜糖芥末雞翼相對酸酸甜甜似柚子醬多過蜜糖芥末飯方面就叫咗明太子忌廉大蝦燉飯，呢個十分有驚喜。個飯並唔會太creamy，一啲都唔”流”，乾濕度適中，而且啲蝦都大大隻㗎。呢個Oreo忌廉碎冰亦都不過不失，未去到必食但都幾推介。重頭戲就係依間舖頭最出名嘅梳乎厘，今次叫咗佢哋新出嘅日本香印提子梳乎厘班戟。首先因為佢啲啫喱都有酒精成份，所以未夠18歲嘅人就唔好叫啦佢朋友多次食梳乎厘嘅經驗，佢話依間蛋味冇咁重較易入口。而我就俾佢嘅白酒啫喱同香印提子深深吸引，雖然白酒味道較重，但整體口感同味道都好配搭。