Video
Read full review
2015-07-22
2749 views
聽到lunch要去見客，就覺得慘絕人寰。反正飯錢係老細畀，梗係要食盡佢！喺法國拎到米芝蓮一星餐廳嘅BriKetenia，嚟咗觀塘開分店，即刻約埋個客一齊食。以米芝蓮質素嘅法國菜嚟計，佢真係算平喎。講真，工廈cafe都分分鐘過百啦，呢間都只係百五左右。 我平時好少食包，我覺得會搞到我食唔落主菜同甜品。不過今次係例外，本身諗住試吓味就算，但呢個包我食咗三件，不過我真係唔識形容個醬係咩味，剩係知好好好味！因為我麻麻地鵝肝，所以前菜揀咗溫泉蛋雜菇配帶子汁。咁樣嘅組合真係無見過，不過食落又唔錯，啲菇勁入味。我呢隻牛魔王見到有肉眼，就諗都唔使諗啦，煎得啱啱好，配菜都好好食！佢哋就叫咗龍蝦意粉同銀鱈魚。個龍蝦意粉好入味，上碟之前仲起晒龍蝦肉，勁貼心。不過我最愛都係個銀鱈魚，真係勁滑！！雖然好飽，但都照食甜品！強烈推介呢個梨批，上面有埋雪葩超正，兩隻味勁夾！ 另外仲試咗呢個奶凍，好creamy，鍾意食甜嘢嘅你可以試吓。之後仲施施然歎埋杯啡先番工，開會開到我幾歎！
以米芝蓮質素嘅法國菜嚟計，佢真係算平喎。講真，工廈cafe都分分鐘過百啦，呢間都只係百五左右。
我平時好少食包，我覺得會搞到我食唔落主菜同甜品。不過今次係例外，本身諗住試吓味就算，但呢個包我食咗三件，不過我真係唔識形容個醬係咩味，剩係知好好好味！
因為我麻麻地鵝肝，所以前菜揀咗溫泉蛋雜菇配帶子汁。咁樣嘅組合真係無見過，不過食落又唔錯，啲菇勁入味。
我呢隻牛魔王見到有肉眼，就諗都唔使諗啦，煎得啱啱好，配菜都好好食！
佢哋就叫咗龍蝦意粉同銀鱈魚。個龍蝦意粉好入味，上碟之前仲起晒龍蝦肉，勁貼心。
不過我最愛都係個銀鱈魚，真係勁滑！！雖然好飽，但都照食甜品！強烈推介呢個梨批，上面有埋雪葩超正，兩隻味勁夾！
另外仲試咗呢個奶凍，好creamy，鍾意食甜嘢嘅你可以試吓。
之後仲施施然歎埋杯啡先番工，開會開到我幾歎！
Post
