醉桃園

Open Now

Now Closed

專登試咗三次先至上嚟寫食評，目的係想睇吓依間火鍋嘅高品質輸出係唔係一路都咁穩定！結果答案係：食物高質！ CP值高！服務好（呢個真心絕對好Appreciate）我最鍾意依度嘅芫荽皮蛋鍋底，因為佢嘅芫荽唔係求其擺幾條喺個鍋度，而係將啲芫荽Blend到好濃嘅汁加入豬骨牛仔嘅湯底（店員後認真介紹）。口感好濃厚，唔會好似有啲地方嘅芫荽皮蛋湯底，咁好似滾水一樣🤣我哋叫咗幾款前菜都好surprise荔枝蝦棗好好味炸得唔油膩，但係好鬆化，入邊嘅蝦滑非常實在，乳鴿味道夠濃又新鮮，讚👍🏻呢度嘅牛肉切得好厚，而且肉味好新鮮，仲有我覺得最正係手打墨魚滑同埋野生竹笙，非常厚身！呢幾款食材都係同我平時喺其他地方打邊爐食過有明顯分別嘅！佢哋嘅服務好好，店員都好熱情，而且加湯非常及時，就算當日我哋食飯嘅時候個場已經好爆，但我哋食完都唔會好似想我地快啲買單走人咁！而且我哋當日坐嘅地方屬於大廳，但係座位都好寬敞唔會好逼夾，我鍾意呢啲用餐環境！