源記車仔麵 (Closed)

今日放工未食飯，經過觀塘唔知食乜嘢好，就求其搵左間車仔麵食。其實都係諗住求其食一餐算，因為係觀塘食車仔麵都未食過一間係真正覺得好好味嘅，因為好多間啲料都係說濕濕咁。入面嘅裝修好過一般嘅車仔麵檔，有一啲木造嘅枱同燈，環境都比較乾淨啲。點左一個豬大腸拼韭菜餃粗麵同埋叫咗一支豆漿，成為＄34。其實睇食評見佢啲相都唔錯，不要食落先知。來到個賣相都唔錯，都幾多豬大腸同埋有三隻韭菜餃，通常都冇咁多料嘅。豬大腸好入味，質地都好結實，唔會太過鹹。另外啲韭菜餃就非常大隻，應該係剛剛先至煮嘅，所以唔會林晒。至於啲粗麵就好彈牙，唔會碎濕濕咁，我仲叫佢俾咗啲辣椒將我，應該係佢哋秘製嘅，好似辣椒膏咁，個張非常之香口，味道好豐富，唔會得個咸字。最初諗住Hea食啫你間車仔麵，真係意外地好食，以後喺觀塘搵食又多個地方了。