Bischofia by Mood

Open Now

Now Closed

同朋友响觀塘浦，三點三，又到下午茶時間，啱啱午餐又食得唔飽，再去搵下食先。睇睇餐牌，呢個時間叫午餐可以減$30，即叫啦。 揀左兩個餐食意式巴馬火腿軟芝士法包Parma Ham Soft Cheese Baguette法包夠熱又脆口，軟芝士個量都算多，又夠香。巴馬火腿份量都幾多，咸咸地，夾埋d軟芝士又幾好食喎。小小沙律菜伴碟，都算新鮮。 見到話加多$30有香煎鵝肝都幾大舊下，香味十足，有少少羶味，咁先好食 健康心情早餐全日早餐咁，大大份有水波蛋，咬落爆黃，好食。慢煮雞胸唔鞋口，雞胸最怕煮到鞋到死。蕃茄沙律、牛油果，食落新鮮，牛油果夠哂健康，勁香口，似食緊三文魚味。烤雜菇：牛油炒過，好香。乾果麥片時令水果，都唔錯，哈密瓜夠甜。 飲品：叫左要Ice Caffè Mocha 同Flat White 人手沖，又有拉花，咖啡又夠香濃，打卡able 甜品：柚子芝士蛋糕清新柚子味，仲有d,果肉。芝士味夠濃，用牛油餅底，都幾好食。 裝修唔錯，園林感覺，坐位寬敞，店員有禮貌又幫手。