千賀水產の鮮鍋道場 (Closed)

好耐無全家總動員出街食飯啦，諗咗好耐食咩大餐好，結果就搵放題食啦！我鐘意食日本野，老豆就鐘意打邊爐，媽媽就鐘意食海鮮，細妹就鐘意食甜品，所以日式+邊爐嘅放題真係好啱我地嫁！今次嚟咗觀塘廣場食千賀放題，店員同我地講晚餐時段可以食到11點真係好誇張呀，可以慢慢食完休息再繼續食！點都可以食返夠本！我覺得呢到最大特色一定係海鮮！送嘅海鮮併盤種類非常多！按我地人頭，每人都可以食到鮑魚、蜆、大蝦等等。之後仲包咗一大碟「肥牛山」！擺放到好靚啊！火鍋必食！之後仲嚟咗盤刺身併盤，最吸引我就係生蝦！真係好大條，一啖滿口鮮甜大蝦！至於熟食都好超多選擇，就連中式點心都好，幾特別！