宇鮨料理

Open Now

Now Closed

今日因工作關係去到牛頭角搵嘢食上openrice見到一間日本餐廳新開嘅叫做「宇鮨」日本料理呢間舖十二點鐘開，我哋去到冇乜人。我地兩個人叫咗個lunch set食+前菜。牛油果三文魚沙律$58擺盤好靚一片三文魚一片牛油果，下面係撈咗醋嘅沙律菜，食落好清新，用黎做開胃菜一流煎餃子（5隻）$28煎餃子係椰菜餡，係成隻去炸嘅，皮脆入面多汁，好食。壽司拼盤加烏冬$98壽司有八舊立魚、三文魚、八爪魚、熟蝦，刺身好新鮮、飯亦有醋味、有水準之作，烏冬湯底係用昆布湯，午餐好豐富壽喜燒（豬肉）$78壽喜燒用鐵鍋裝住、豬肉片有四片、有好多菜、冬菇、金菇、湯底清甜，配上生雞蛋點嚟食，好味道。今餐食左260蚊日本菜，支持新店，住附近或者係附近工作嘅可以試下。