喰楽

Open Now

Now Closed

壽喜燒一向都喺小編的心頭好，知道駱駝漆大廈三座內的「喰楽」主打關西風壽喜燒，質素好好，正好經過觀塘，咁就上去試下啦～<日本赤身和牛> $468<日本霜降和牛> $498前菜分別有吉列和牛薯餅、汁煮大根牛腩以及廣島蠔，吉列和牛薯餅口感酥脆，但內餡軟腍，同坊間既好唔同！汁煮大根牛腩入面既牛腩質地腍身，蘿蔔好甜，帶有淡淡牛油香。廣島蠔好大隻，肉質鮮甜，加檸檬汁更能突出鮮味。是日品嚐到的部位分別有肉眼﹑西冷﹑沙巴當﹑牛板腱﹑上肩﹑牛肩，不同部位的和牛各有特色。小編對肉眼﹑西冷﹑沙巴當更有印象，肉眼口感軟腍﹑入口帶甘香；西冷﹑沙巴當油脂豐富﹑入口即溶，肉質不俗，蘸上生雞蛋口感更顯順滑，配一口白飯真是令人食指大動！野菜拼盤店員會同一時間烹調牛肉及野菜，令野菜可以充分吸收甜醬油同牛肉香味，令野菜都好惹味，當中的豆腐豆味香濃﹑冬菇入口爆汁特色飯點店員會將白飯倒進剛才烹調壽喜燒的鑊子裏，並加入牛肉粒﹑紫菜﹑白芝麻﹑醬油等拌炒，雜炊飯入口濕潤，帶香甜的牛油香味，食完真喺好飽是日甜品最後再食埋個抹茶雪糕，大滿足！餐廳好有心思，奉上的飲品喺白桃烏龍茶，明顯白桃香味，入口帶茶香👍