鴻圖樓茶餐廳

Open Now

Now Closed

今日同朋友行觀塘，經過見到一間叫（鴻圖茶餐廳），見到都差唔多到食晚飯時間，所以就入去試下，入到去環境好寬敞，好闊落，感覺幾乾淨。由於剛剛6點，d人剛收工所以未開始多人。我同朋友就搵個卡位坐低睇下有咩嘢食，個侍應禮貌幾好熱情招待，見我哋唔係熟客仔，就推介咗兩個飯畀我哋，佢話係佢哋招牌菜。傳統相片臘味飯：一條臘腸一條潤腸一條臘味，份量好足，臘腸唔會太肥，潤腸油分充足，臘味唔會太鹹，送飯一流。古法支竹羊腩飯：天氣開始轉涼，羊腩飯呢啲天氣食真係最好不過，先講個底味，已經滲入曬啲羊嘅精華，枝竹更加係令依個羊腩飯錦上添花，羊腩更加唔洗講肥瘦適中炆得好林，而且好入味。總結：估唔到觀塘都有一間咁出色嘅茶餐廳，仲要有臘味飯同羊腩飯食。下次再嚟試過。