啡奴

Open Now

Now Closed

去咗觀塘呢間Cafe度食嘢，發現原來佢個Menu每個星期都唔同，我上次食嘅呢個好似已經冇咗啦，所以就只可以比大約大家參考一下。意大利煙肉漢堡配辣味薯角 $98個漢堡包超大個，基本上個口抹到幾大都係咬唔晒，最後我都係逐層逐層分開食😅我諗呢一個係食漢堡包最常遇到嘅問題🥲佢個煙肉非常之香，配埋上面嘅芥末醬，簡直係完美嘅配搭。啲薯角都好好食，但比較失望嘅係佢唔夠趣，同埋份量比較少，但味道係的確幾出眾。和風照燒雞扒定食 配沙律和味增湯 $90相比起漢堡包，呢一個份量大好多，亦都比較豐富。有湯有沙律，一大碟肉，同埋一碗飯。肉嘅份量真係超多超多超多，我個friend都食唔晒！但味道就始終一般般啦，始終佢唔係一間正式嘅日本餐廳，所以都係嗌返西式嘢比較穩陣啲。但以底色來講，呢個應該係最抵食啦，並且係有限量送出添。總括而言，我認為餐廳嘅性價比係一般般，但勝在環境好，亦都建議大家可以嗌返西式嘢。