Video
Read full review
2023-10-08
11 views
觀塘既漢堡包嘅店都有好幾間，而我最鍾意係呢間係鴻圖中心入面嘅Moo Moo burger，絕對係最高性價比嘅漢堡包。今日我又約朋友去食呢間餐廳，餐廳座位唔算好多，但係乾淨企理，有梳化位、獨立高枱位，而且仲有戶外座位。由於天氣太熱我同朋友都係坐返喺室內，餐廳起先點餐付費，再取餐的。 打開餐牌，有經典牛肉漢堡，亦都有豬肉或者雞肉漢堡，而且仲有啤酒及各類小食提供。經典之堡呢個漢堡係我最愛，有新鮮手打美國牛肉、車打芝士、生菜蕃茄及自家moo moo 醬汁，牛肉係自家手打，厚身之餘，咬落去仲好多肉汁，非常juicy。漢堡包亦都烘得外脆內軟，鬆軟之餘又唔會好乾。新鮮嘅蕃茄片同埋生菜減低左油膩感，絕配中嘅絕配。 爆芝雞堡呢一款係期間限定，如果唔食牛肉嘅人，可以選擇呢一款。中間嘅流心芝士火腿雞扒簡直冇得彈，肉質好嫩滑，而且好厚身👍🏻 再加上蜜糖芥末醬，少少甜辣嘅口味好香口，而且仲有蕃茄同綠毛菜，香口得來又帶點清新，非常推薦。玫瑰蜜糖雞翼雞翼表面煎到金黃色好香脆、沾滿左蜜糖汁及玫瑰花瓣，咬落去好多汁，又唔會有血水，蜜糖味甜甜地好好味。檸檬冰茶 士多啤梨特飲我哋每個人嗌咗一杯嘢飲，起初諗住嗌啤酒，不過第二
今日我又約朋友去食呢間餐廳，餐廳座位唔算好多，但係乾淨企理，有梳化位、獨立高枱位，而且仲有戶外座位。由於天氣太熱我同朋友都係坐返喺室內，餐廳起先點餐付費，再取餐的。
打開餐牌，有經典牛肉漢堡，亦都有豬肉或者雞肉漢堡，而且仲有啤酒及各類小食提供。
經典之堡
呢個漢堡係我最愛，有新鮮手打美國牛肉、車打芝士、生菜蕃茄及自家moo moo 醬汁，牛肉係自家手打，厚身之餘，咬落去仲好多肉汁，非常juicy。漢堡包亦都烘得外脆內軟，鬆軟之餘又唔會好乾。新鮮嘅蕃茄片同埋生菜減低左油膩感，絕配中嘅絕配。
爆芝雞堡
呢一款係期間限定，如果唔食牛肉嘅人，可以選擇呢一款。中間嘅流心芝士火腿雞扒簡直冇得彈，肉質好嫩滑，而且好厚身👍🏻 再加上蜜糖芥末醬，少少甜辣嘅口味好香口，而且仲有蕃茄同綠毛菜，香口得來又帶點清新，非常推薦。
玫瑰蜜糖雞翼
雞翼表面煎到金黃色好香脆、沾滿左蜜糖汁及玫瑰花瓣，咬落去好多汁，又唔會有血水，蜜糖味甜甜地好好味。
檸檬冰茶 士多啤梨特飲
我哋每個人嗌咗一杯嘢飲，起初諗住嗌啤酒，不過第二日要返工所以就冇嗌到。檸檬冰茶酸甜度適中，士多啤梨特飲甜甜地，沒有假士多啤梨甜味，都幾好飲又消暑。
Post
