鰹烏冬 (駱駝漆大廈第三座)

Open Now

Now Closed

哩間人氣烏冬店出名自家製日本讚岐烏冬，剛好在駱駝漆附近有野做，所以做完野就上黎試一試。當時時間都八點幾差不多九點，重有人等位，而且人潮都係繼續走完又有人入，真係幾誇張，加埋駱駝漆出哂名等𨋢慢，真係要預點時間。鰹魚湯白味噌鍋仔燒烏冬因為之前食完旺角一間烏冬店的鍋燒烏冬好滿足，自然想對比下究竟邊間好食點。所以我就叫左個鰹魚湯白味噌鍋仔燒烏冬配骨付雞，而朋友都係叫同一個，跟金菇肥牛同加份多春魚。上餐速度唔算快，都等左差不多四個字，肚都餓到打哂鼓。黎到見到烏冬好大鍋，餸既份量都唔少。因為真係太肚餓，我都馬上起筷試一試佢。可能俾之前間烏冬店影響，我覺得個鰹魚湯味道好淡，雖然預左鰹魚湯底唔會好濃味，但比想像中淡唔少，有少少失望。不過招牌烏冬口感真係好煙靭彈牙，我暫時都想唔到有邊間比佢好食，加返點分！小食 —　骨付雞 & 金菇肥牛 & 多春魚骨付雞 — 經七味粉同蒜蓉調過味，雞髀肉嫩多汁，加埋大過手掌既份量，有喧賓奪主（烏冬）既感覺！金菇肥牛 — 醬油調味好好，正常發揮多春魚 — 炸粉唔厚，正常天婦羅調味總結，烏冬質地係幾好食既，下次如果再黎可能要叫另一個湯底，小食特別係骨付雞有驚喜，不過埋單每位都