Fish & Chick Plus (Closed)

我同朋友都係觀塘返工，每次想gathering都會係番觀塘搵野食，方便同埋而家觀塘真係多左好多選擇，而呢間fish & chick，我已經食過4/5次，真係忍唔住要推薦一下首先要介紹佢個湯，粟米蓉忌廉湯，唔係好重忌廉湯，但食到啖啖栗米既感覺，我自己同埋朋友都好喜歡，另外佢個三文魚沙律都好好食呀～仲有個小食波（唔記得係咩名）😂，好食又唔多粉，感覺呢度既炸魚都應該唔係粉漿魚啦🙈野食都上得幾快，主菜有半隻燒雞，炸魚薯條，大蝦長通粉同埋蒜片辣椒炒意粉！！！果然不出所料呀，炸魚唔會好多漿，最驚喜係燒雞唔會好乾身好鞋，仲要有肉汁出黎，另外個長通粉係比較咸，但就好濃既蝦味，而蒜片乾炒意粉雖然比較油，但個味道都係好好味，好香蒜味同埋全部意粉唔會煮到淋曬，唔洗嚼咁，而係仲好彈牙呢間鋪頭好似係員工樓面同廚房水吧都要做咁，見佢地落完單就急急腳行入去整野食，所以我同朋友都唔敢打擾佢地😅，盡量食曬幾碟先麻煩佢地幫手收一收碟，但個環境唔錯🙂，坐多陣傾下計既都係舒服既，不過位其實唔係話好多，但好彩個日冇咩人，所以我同朋友先食完繼續坐多一陣至走😛