Video
Read full review
2012-10-31
1568 views
對於私房菜，一向都冇乜好感！記得十幾年前，去食【大平伙】，好唔好食見仁見智，臨尾再加插老板娘大展歌喉，對唔住，咁有特色嘅嘢，無論味覺定係聽覺，小弟都唔識欣賞！早兩個星期，朋友生日，另一朋友話，剛剛食過一間叫【梓橦堂】嘅私房菜，好有特色！吓！又好有特色？！老闆會唔會唱歌ga？唔會！咁都好啲……不過會整陶瓷！吓！人鬼情未了！【梓橦堂】環境算唔錯，但係環境唔會食得飽，最緊要就係d菜好唔好食！我地十個人坐定定，突然廚房煙霧迷漫，開頭以為火燭，再望真d原來上頭盤，總共四小碟，用小呢個字，絕對冇花假！包括豆腐仔、鮑魚仔，仲有唔知乜嘢仔同物嘢仔，仔仔一堂！但食完好似冇食過咁‧跟住再嚟個雞湯，味道清得嚟又幾濃，我知好矛盾，但感覺又真係咁‧跟住又嚟唔知咩小點，一人一塊神主牌，擺住3粒嘢，又係食完唔知食咗乜嘅感覺……樣樣都得丁咁多多，心諗點會食得飽…即時暗中上google map，Search最近嘅新釗記位置‧但係…世事就係咁大上大落，跟住嚟個唔知咩小炒皇，面盤咁大！荷葉飯，體積勁過焚化爐！碟菜足足有3斤重！仲有隻好香嘅煙燻雞，即時飽到上心口！埋單位位488，不過仲要加一，你話好唔好食？算係咁啦！你話值唔
對於私房菜，一向都冇乜好感！
記得十幾年前，
去食【大平伙】，
好唔好食見仁見智，
臨尾再加插老板娘大展歌喉，
對唔住，
咁有特色嘅嘢，
無論味覺定係聽覺，
小弟都唔識欣賞！
早兩個星期，
朋友生日，
另一朋友話，
剛剛食過一間叫【梓橦堂】嘅私房菜，
好有特色！
吓！
又好有特色？！
老闆會唔會唱歌ga？
唔會！
咁都好啲……
不過會整陶瓷！
吓！
人鬼情未了！
【梓橦堂】環境算唔錯，
但係環境唔會食得飽，
最緊要就係d菜好唔好食！
我地十個人坐定定，
突然廚房煙霧迷漫，
開頭以為火燭，
再望真d原來上頭盤，
總共四小碟，
用小呢個字，絕對冇花假！
包括豆腐仔、鮑魚仔，
仲有唔知乜嘢仔同物嘢仔，
仔仔一堂！但食完好似冇食過咁‧
跟住再嚟個雞湯，
味道清得嚟又幾濃，
我知好矛盾，但感覺又真係咁‧
跟住又嚟唔知咩小點，
一人一塊神主牌，擺住3粒嘢，
又係食完唔知食咗乜嘅感覺……
樣樣都得丁咁多多，
心諗點會食得飽…
即時暗中上google map，
Search最近嘅新釗記位置‧
但係…
世事就係咁大上大落，
跟住嚟個唔知咩小炒皇，
面盤咁大！
荷葉飯，體積勁過焚化爐！
碟菜足足有3斤重！
仲有隻好香嘅煙燻雞，
即時飽到上心口！
埋單位位488，
不過仲要加一，
你話好唔好食？
算係咁啦！
你話值唔值？
咁就見仁見智啦！
Post
