Kiuki Sweet Bakery

Open Now

Now Closed

觀塘呢個係工廈入面嘅蛋糕店，專做低糖低脂戚風蛋糕，之前見到ig嘅相相當吸引！今日試左新出嘅 「開心果 x 雙莓戚風」！去到門口㩒鐘，店員拎個蛋糕出黎嘅時候仲會細心咁提我最好半個鐘放入雪櫃。講番個蛋糕先～雖然係小店，但水準都幾高！蛋糕外層用開心果鮮忌廉包住，上面有開心果碎同好多原粒果仁，果仁新鮮又爽脆。賣相精緻之餘，細細個蛋糕入面原來有好多層次。士多啤梨戚風蛋糕中間每層夾左唔同餡，有煙韌嘅麻薯，仲有紅桑子慕斯，相信小店花左唔少時間精心設計。士多啤梨同開心果好鮮甜，口味相對很夾，亦唔會太甜，食多左都唔覺得膩，我對呢個蛋糕真係好滿意！