魔膳廚房 (Closed)

以前讀書時係觀塘返過part time就知觀塘d工廈多野食，不過估唔到宜家越開越多同越開越靚。咁岩要出去做野係附近放工，所以就決定係觀塘食埋先走。餐廳比我想象中大，而且仲有包廂，不過我地得2個人就無緣坐了。自助沙律吧款式好齊全，甚至比我之前食某餐廳既自助餐更為豐富，而且睇得出好花心思佈置。蘑菇湯聞落好香，味道都尚算濃郁。香煎三文魚柳配藜麥沙律三文魚柳煎得好出色，魚皮煎得香脆，魚肉即使煎到金黃色都無散開。旁邊仲有d酸酸地辣辣地既醬汁，同個三文魚非常夾。另一邊沙律加上藜麥，令整碟菜式更健康。香煎帶子黑松露意大利飯由於佢一早就上菜既關係，所以到我地食果陣已經凍左。但即使放耐左，黑松露既香氣依然好強烈。帶子煎到岩岩好，唔會話好難咬好擦膠。整體比較清淡，但我相信熱食味道會更好。觀塘工廈真係好多好餐廳，我覺得呢間都係其中一間可以再黎既餐廳。