Video
Read full review
2018-09-19
36 views
今次又到👦🏻出動帶大家食好西，今次要介紹既係觀塘工廈一間西餐廳，餐廳正正係地鐵站同大型商場附近，交通非常方便，今次早到左，侍應就推薦我地叫當日限定得五份既慢燒斧頭牛肋骨試試，我地見個價錢都ok，$488連餐包、西湯、前菜(可以揀青口或沙律)以及餐飲，咁就試一試佢地既推薦。另外再叫左一份卡邦尼意粉，同埋都每人加左$38既任食沙律吧。🤤我見餐牌上面寫住斧頭牛肋骨要早一日預訂同埋要等30分鐘，好彩我地個日早到先有得食，如果你地睇完都好想試既就記住早一日打電話去預訂。☎️首先講下沙律吧，款式唔算好多，但係你一般諗到既都應該有齊。例如雜果薯仔沙律、帶子裙邊、粟米粒、中華沙律、西瓜、菠蘿、啫喱糖、車厘茄、沙律菜......我個人就好鐘意呢一類任食沙律吧，尤其有我最愛❤️既薯仔沙律同啫喱糖。🤤食到咁上下，餐湯、餐包同小食都送左上黎。個餐包都幾鬆軟。餐湯(忌廉湯)就係西餐廳正常水準，小食部分既青口淋上微辣既汁，味道都幾夾。然後就到個卡邦尼意粉，上面鋪左幾塊巴馬火腿，味道黎講唔算好鹹，夾埋啲溫室豆苗一齊食，都係一個幾好既配搭，可以一試。😉最後到戲肉啦，侍應遞上一盤慢燒既牛肋骨以及一堆配菜，如蒜頭、蕃茄、煙肉
我見餐牌上面寫住斧頭牛肋骨要早一日預訂同埋要等30分鐘，好彩我地個日早到先有得食，如果你地睇完都好想試既就記住早一日打電話去預訂。☎️
首先講下沙律吧，款式唔算好多，但係你一般諗到既都應該有齊。例如雜果薯仔沙律、帶子裙邊、粟米粒、中華沙律、西瓜、菠蘿、啫喱糖、車厘茄、沙律菜......我個人就好鐘意呢一類任食沙律吧，尤其有我最愛❤️既薯仔沙律同啫喱糖。🤤
食到咁上下，餐湯、餐包同小食都送左上黎。個餐包都幾鬆軟。餐湯(忌廉湯)就係西餐廳正常水準，小食部分既青口淋上微辣既汁，味道都幾夾。
然後就到個卡邦尼意粉，上面鋪左幾塊巴馬火腿，味道黎講唔算好鹹，夾埋啲溫室豆苗一齊食，都係一個幾好既配搭，可以一試。😉
最後到戲肉啦，侍應遞上一盤慢燒既牛肋骨以及一堆配菜，如蒜頭、蕃茄、煙肉蘆筍卷、燒菠蘿同埋薯仔粒，侍應俾我地影完相之後見我地切到雞手鴨腳，主動提議幫我地拎番入廚房切好，切出黎至少都有十幾塊，而我地叫左5成熟，睇得出牛肉外圍係燒得好靚既咖啡色，裡面係粉紅色既半熟程度，牛肉入口時食得出肉質完全唔係落鬆肉粉既鬆軟，肉味濃郁但無經過過份既調味，建議鐘意重口味既朋友仔沾一沾伴碟既燒汁。而伴碟既配菜都做得不錯，特別係蒜頭同薯仔粒，原個烤焗既蒜頭，配埋牛肉可以中和牛肉既油膩，而稍微油炸過既薯仔粒好香口，令到牛肋骨更加加分。鐘意食牛肉又食慣左牛扒既朋友仔，真心推薦你地試下呢道菜，可以試到牛扒以外既選擇。😍
飲品方面可以免費飲熱咖啡、奶茶、檸水、檸茶、凍汽水外，仲可以加錢升級特飲，例如有花茶、果汁、梳打、特色咖啡......。 每次都會透過以下6大方面評分(滿分:30分)
味道 : 4 / 5
環境 : 4 / 5
外觀 : 3.5 / 5
價錢 : 3 / 5
服務 : 3.5 / 5
回頭率 : 4 / 5
總分 : 22 / 30
性價比
作為美食林立既觀塘，要成功突圍美味既食物同舒適既環境缺一不可，餐廳位於工廠大廈一樓，地下連接餐廳正門既樓梯佈滿唔同藝術品可以任你隨便影相，行上呢條樓梯好似進入左一個魔法藝術森林🌲，同外面繁喧既街道有一種強烈既對比。上面推薦既慢燒斧頭牛肋骨價格看似稍高，但份量足夠兩個人分享，9月30號前經openrice預訂晚上八點後入座，只要人均消費滿$188，將會全枱免費任食沙律吧，供應時間到晚上九點十五分左右，訂埋位去就更加抵食啦。最後想講下既就係見到好吸引但未有機會嘗試到既蛋糕，佈置精緻既蛋糕係上檯既時侯會用一個玻璃罩蓋住，造型靚到影相呃like一流，下次一定要試下。😋
Post