極尚大喜屋 (鱷魚恤中心)

Open Now

Now Closed

好耐無食過放題了，可以一次過食唔同刺身同熱食，選擇又多，依家埋單每人都係200蚊度，唔算太貴。.刺身同壽司🍣每次一坐低都一定會叫刺身先，刺身必點有三文魚腩、帶子、油甘魚、吞拿魚🐟……每款都新鮮同埋厚切，大滿足。壽司方面比較特別嘅有黑松露油甘魚，加咗黑松露令到成件壽司生色不少，同埋香口咗好多。火炙三文魚腩都好正，每啖都有豐富油脂😈.熟食方面都好多選擇燒羊架必叫，唔會overcook，香口嘅羊架加上孜然粉，絕配。薑蔥爆鱔球都幾特別，真係有大排檔風味，鱔球有走過油，配搭薑蔥爆炒一絕。自助吧竟然會有酸菜魚，估唔到又ok喎，酸菜好足料，唔會辣，啱晒唔食得辣嘅人。.自助吧食物種類都好多飲品有汽水🥤茶🍵咖啡☕️應有盡有，比較特別係仲會有清酒🍶。雪糕🍦都有好多選擇，除咗haagen dazs仲有其他牌子揀。