鳥棲日本料理 (Closed)

觀塘工廈林立，係許多隱世小店嘅藏身之處，呢日嚟到位於駱駝漆大廈嘅鳥棲日本料理搵食😋。入座嘅時候店員提醒餐廳嘅用餐時間係個半鐘，要scan QR code落單。餐廳座位係梳化，十分寬敞舒適，用餐環境同氣氛都感覺良好，客人可以放鬆用餐。講返正題，餐牌上面嘅選擇都頗多，我地初次嚟到決左試下$528嘅二人餐，前菜方面揀左迷你磯煮飽魚飽魚很入味👍🏻，口感唔會好似擦子膠，亦唔會太硬，但如果點埋附上嘅醬油就會過鹹。沙律就揀咗煙三文魚沙律🥗份量好足，擺盤好精緻👍🏻配上日式蛋黃醬同芝麻醬，十分惹味。炸物揀咗他他魷魚圈，份量十足冇記錯有6-7件，炸粉漿唔會太厚，一咬落去食到他他醬同同外脆內軟嘅魷魚圈，超夾😍燒物係網燒安格斯牛扒，配上芝麻同燒汁，同樣都好惹味👍🏻👍🏻，牛扒生熟度燒得適中，肉質亦唔會鞋口。鍋物揀咗作為日本料理定番嘅牛肉壽喜鍋～😋，鍋物配一隻雞蛋同日式芝麻醬，牛肉份量十足，壽喜燒汁唔會過鹹過濃，配烏冬一流。鍋內配料很多，菇類亦有三款，唯菜類比較遜色，相信係本身唔靚，另外鍋物如果配返隻羹或者湯殼就方便好多啦。最後飲品揀咗巨峰富士山，巨峰梳打配上雲呢拿雪糕，另一杯係雲呢拿牛