Video
Read full review
2023-04-13
1537 views
餐廳：本 Honbu (觀塘)地址：觀塘開源道52-54號豐利中心5樓509號舖再次走入觀塘工廈呢間充滿大地色系嘅本 Honbu，記得對上一次嚟食午餐，今次就過嚟食晚飯🍽，開業短短一年幾已經見到佢哋嘅裝修同餐牌都有所Upgrade，力求上進💪，希望經過不斷嘅改良同進步去帶比客人更多嘅驚喜同創意又好食嘅新Fusion菜式、新感覺🥰對上一次喺坐室外嘅露台空間，而今次我就揀咗坐入面，見到餐廳唔同位置擺放咗唔同款式同特色嘅枱同櫈，不過就同樣以木製同大地色為主，好似形成咗一個又一個環環相扣但又與別不同嘅空間咁😎，牆上仲掛咗唔少裝飾佈置🖼，別有一番文藝感覺，食完嘢坐喺度休息傾吓計其實都幾舒服😌✝️煙三文魚胡麻醬沙律 $98以煙三文魚為主角，加入火箭菜、菠菜、蘿莎紅生菜🥬，仲有青瓜🥒、石榴、車厘茄。唔同嘅顏色，唔同嘅口感，但一樣帶出新鮮嘅滋味，加埋胡麻醬就更加開胃🥗✝️日本蠔湯 $88本身會以為有啲蠔肉喺湯入邊🦪，點知原來餐廳將所有蠔直接磨碎變成蓉，再隔渣整成無渣日本蠔湯，味道鮮香相當濃郁，一啲腥味都無，配埋一條外脆內軟嘅麵包條，蘸湯嚟食就更有風味😋✝️大蝦海膽醬意粉 $148新推出、海膽色嘅扁意粉未食已
地址：觀塘開源道52-54號豐利中心5樓509號舖
再次走入觀塘工廈呢間充滿大地色系嘅本 Honbu，記得對上一次嚟食午餐，今次就過嚟食晚飯🍽，
開業短短一年幾已經見到佢哋嘅裝修同餐牌都有所Upgrade，力求上進💪，希望經過不斷嘅改良同進步去帶比客人更多嘅驚喜同創意又好食嘅新Fusion菜式、新感覺🥰
對上一次喺坐室外嘅露台空間，而今次我就揀咗坐入面，見到餐廳唔同位置擺放咗唔同款式同特色嘅枱同櫈，不過就同樣以木製同大地色為主，好似形成咗一個又一個環環相扣但又與別不同嘅空間咁😎，牆上仲掛咗唔少裝飾佈置🖼，別有一番文藝感覺，食完嘢坐喺度休息傾吓計其實都幾舒服😌
✝️煙三文魚胡麻醬沙律 $98
以煙三文魚為主角，加入火箭菜、菠菜、蘿莎紅生菜🥬，仲有青瓜🥒、石榴、車厘茄。唔同嘅顏色，唔同嘅口感，但一樣帶出新鮮嘅滋味，加埋胡麻醬就更加開胃🥗
✝️日本蠔湯 $88
本身會以為有啲蠔肉喺湯入邊🦪，點知原來餐廳將所有蠔直接磨碎變成蓉，再隔渣整成無渣日本蠔湯，味道鮮香相當濃郁，一啲腥味都無，配埋一條外脆內軟嘅麵包條，蘸湯嚟食就更有風味😋
✝️大蝦海膽醬意粉 $148
新推出、海膽色嘅扁意粉未食已經覺得吸引🤩，用咗日本海膽醬同忌廉汁去炒香意粉🍝，食落無想像中咁Creamy而且一啲都唔膩，
陣陣海膽鮮香配搭埋6隻爽口虎蝦仁🍤，估唔到雙重鮮味又幾夾，唯獨個人覺得口感上可以再有更多變化
✝️醉烤三黃雞 $178
食過一次必定會返轉頭再食嘅醉烤三黃雞，輕輕嘅花雕酒香，由外之內都一樣咁嫩滑多汁🐔，金黃微脆嘅烤雞皮，經過焗爐烘烤完之後逼出雞油，再放喺碟仔上比你當調味咁加減淋返上雞隻上面，
做到原汁原味，真心好耐未食過咁出色咁有水準嘅烤雞👏
✝️法式多士 $58
金黃香脆嘅表面，加上一層糖漿🍯，面頭仲灑上糖霜、紅莓乾同麵包糠，入口更加香脆、口感更加豐富🤤，咬到中間多士嘅Fluffy同鬆軟就更加帶嚟鮮明嘅口感對比，無論喺食定打卡都一樣咁掂👍
飲品叫咗杯Cappuccino($38)同新研發嘅咖啡特飲——雲朵咖啡($48)☁️，
店員喺你面前將自家打製嘅雲呢拿奶泡沖撞入熱辣辣嘅Espresso當中，溫度同質感嘅不同令咖啡分層帶嚟視覺效果，感覺有啲似飲緊Dirty版嘅Latte咁😆，仲額外有輕輕一陣雲呢拿香添
Post
