魔膳廚房 (Closed)

今日去觀塘要接女友收工，想搵間好野食慰勞下佢，觀塘的工廠大廈林立，通常搵野食都係APM，好少去其他地方搵食，聽係觀塘做野的朋友講呢間好適合二人共聚晚餐，最後都帶左佢試食～餐廳有個地下入口，由地下上去餐廳沿路見到好多畫同埋裝飾藝術品，同個名一樣，好有魔幻的感覺。餐廳好特別，除了平常呼叫職員點餐，仲有個自助吧，主要提供前菜，如螺肉等，我係等緊野食既時候已經忍不住加了自助吧，食點前菜調調胃口～德國原隻豬手以烤為主要烹調手法，烤得剛剛好，食的時候烤的感覺仍留在口中，咁岩我本人不太喜歡燶燶的感覺，另外配有薯角以及黑椒汁調味， 好滿足呀！飲品方面，我點左荔枝攻瑰梳打，荔枝味雖然偏重，但亦不會蓋過當中攻瑰的香味，啖啖清香。