Video
Read full review
2023-04-24
112 views
估唔到短時間內咁快第二次嚟Flames, 因為佢真係好近我公司同好好食！第一次嚟係見網上好多人推薦，再嚟就係因為我都認可佢真係值得推薦👍🏻 其實上次同朋友食set dinner 慶祝生日已經覺得呢度牛扒好高水準，今次試吓A la carte 點咗3樣嘢，竟然更加有驚喜，連奄尖嘅老公都讚不絕口，所以一定要寫出嚟介紹吓喇。我哋坐低就點咗個芝士肉醬焗墨西哥脆片，大大碟非常足料、惹味，啖啖肉醬芝士，happy hour配埋酒真係perfect match，好chill！然後我就任性地揀咗個巴馬火腿火箭菜薄餅，雖然好驚兩個人食唔晒，但因為上次見到隔籬枱個pizza 咁靚已經想食好耐，今次終於食到佢果然一如想像中咁好食，pizza鬆軟帶少少脆邊，parma ham充滿油香，蕃茄同火箭菜亦好新鮮，完全係冇揀錯佢。另一個main我交俾老公揀，佢竟然揀咗葡式香辣燒春雞，仲以為佢會揀牛扒㖭。雞來到時我仲食緊pizza，老公細心地切開雞脾俾我，但我話佢知其實我鍾意雞胸😆 所以佢就可以安心食雞脾喇。食咗一啖佢已經用好驚喜嘅眼神望住我話：「你快啲掉低件pizza 試吓個雞，超好食喎！」咁誇張！我都即刻切咗件雞胸
其實上次同朋友食set dinner 慶祝生日已經覺得呢度牛扒好高水準，今次試吓A la carte 點咗3樣嘢，竟然更加有驚喜，連奄尖嘅老公都讚不絕口，所以一定要寫出嚟介紹吓喇。
芝士肉醬焗墨西哥脆片
9 views
0 likes
0 comments
我哋坐低就點咗個芝士肉醬焗墨西哥脆片，大大碟非常足料、惹味，啖啖肉醬芝士，happy hour配埋酒真係perfect match，好chill！
巴馬火腿火箭菜薄餅
14 views
0 likes
0 comments
然後我就任性地揀咗個巴馬火腿火箭菜薄餅，雖然好驚兩個人食唔晒，但因為上次見到隔籬枱個pizza 咁靚已經想食好耐，今次終於食到佢果然一如想像中咁好食，pizza鬆軟帶少少脆邊，parma ham充滿油香，蕃茄同火箭菜亦好新鮮，完全係冇揀錯佢。
葡式香辣燒春雞
21 views
0 likes
0 comments
另一個main我交俾老公揀，佢竟然揀咗葡式香辣燒春雞，仲以為佢會揀牛扒㖭。雞來到時我仲食緊pizza，老公細心地切開雞脾俾我，但我話佢知其實我鍾意雞胸😆 所以佢就可以安心食雞脾喇。
葡式香辣燒春雞
22 views
0 likes
0 comments
食咗一啖佢已經用好驚喜嘅眼神望住我話：「你快啲掉低件pizza 試吓個雞，超好食喎！」咁誇張！我都即刻切咗件雞胸試吓，竟然真係超好食，雖然menu 冇寫，但雞肉嘅嫩滑度同juicy爆汁嘅程度，應該係慢煮無誤！連雞胸都咁嫩滑，而且外皮香脆，仲成隻雞都好入味，香香地辣辣地嘅雞汁充滿味蕾，雖然菜式本身配以醮醬，但其實已經好食到唔需要再醮太多醬喇。
另外提提大家燒春雞份量都幾大、幾厚肉，我哋差啲食唔晒呀。伴碟可以配薯條或烤蔬菜，連啲菜都烤好好食㗎。
本來想食埋甜品，但因為每一碟份量都比預期大，所以唯有下次再食啦，我已經諗緊下次到底encore燒春雞定再試新嘢喇。
🌟小貼士🌟
👉🏻有免費泊車
👉🏻我哋周四晚6:30已經極full，記得book位
Post
