秋意 (成業工業大廈)

Open Now

Now Closed

聽朋友介紹觀塘有間食豉油雞好出名嘅餐廳，秋意，今日特登約埋佢一齊去我地叫咗一份秋意去骨豉油雞，一碗酸菜魚麵，我哋兩人一人加咗一隻酒釀糖心蛋，然後再嗌咗兩樣小食，香辣蓮藕角同埋芝麻醬伴油麥菜。飲品就叫咗自家製嘅羅漢果低糖菊花茶，同埋無糖嘅白桃烏龍茶。去骨豉油雞，真係呢間舖頭嘅招牌菜，口感嫩滑，豉油醃得入味，但唔會覺得好鹹，拿捏得啱啱好。酸菜魚麵亦都好足料，湯底唔錯，好開胃。酒釀糖心蛋都食得出有少少酒味，容易入口。然後小食都幾高質，最鍾意佢個香辣蓮藕角，切到一口size所以食落都唔會太辣，幾惹味。整體嚟講嘢食幾高質，如果想食成隻雞嘅話要早啲去，我哋晚市去到嘅時候已經所剩無己，勁搶手，留返下次有機會再試。