Video
Read full review
2024-08-15
1575 views
已經好耐無食Omakase同去日本啦，所以為左解下癮最近就去左尖沙咀【花晨月夕】食omakase dinner啦。餐廳唔算好大、總共大概可以坐18-20日（有兩間房）。難得食一次、當然就叫左最貴既Moon set，包括先付、刺身五款、御料理、壽司十貫、吸い物（湯）同甜品。先付（前菜）：鮑汁啫喱 鮑魚 車海老 蒓菜鮑魚非常軟霖、鮑汁啫喱濃郁，而車海老鮮甜。另外蒓菜（睡蓮科嫩芽）好特別、滑滑地有層透明膠質，鮮美嫩滑。刺身五款：一、真鯛卷甜蝦 魚子醬會係你面前加液態氮同泡泡、視覺享受、打卡able。真鯛魚入面加左甜蝦碎，真鯛味鮮甜加左甜蝦更加鮮甜 。二、粒貝刺身 岩鹽 青檸汁非常脆口同鮮甜、有濃郁海水味三、鰤魚刺身 鰤魚姐係大條既油甘魚、肉質肥美魚油味重、炙燒左外皮非常香四、原隻北海道紫海膽 三文魚籽 青柚子皮北海道紫海膽非常鮮甜 creamy 、三文魚籽完全唔會腥同行過鹹再加青柚子好清新五、トロ一片炙燒一片生、トロ超級肥美、魚油味濃、魚味香，加左紫蘇香氣十足御料理：燒穴子冬瓜煮醬燒穴子甜甜地、加左山椒帶出個鮮味。冬瓜清新、湯底濃郁香醇、腐皮豆味超級濃郁。壽司十貫：伊佐木：味道偏淡 反而wa
先付（前菜）：鮑汁啫喱 鮑魚 車海老 蒓菜
鮑魚非常軟霖、鮑汁啫喱濃郁，而車海老鮮甜。另外蒓菜（睡蓮科嫩芽）好特別、滑滑地有層透明膠質，鮮美嫩滑。
刺身五款：
一、真鯛卷甜蝦 魚子醬
會係你面前加液態氮同泡泡、視覺享受、打卡able。真鯛魚入面加左甜蝦碎，真鯛味鮮甜加左甜蝦更加鮮甜 。
二、粒貝刺身 岩鹽 青檸汁
非常脆口同鮮甜、有濃郁海水味
三、鰤魚刺身
鰤魚姐係大條既油甘魚、肉質肥美魚油味重、炙燒左外皮非常香
四、原隻北海道紫海膽 三文魚籽 青柚子皮
北海道紫海膽非常鮮甜 creamy 、三文魚籽完全唔會腥同行過鹹再加青柚子好清新
五、トロ
一片炙燒一片生、トロ超級肥美、魚油味濃、魚味香，加左紫蘇香氣十足
御料理：燒穴子冬瓜煮
醬燒穴子甜甜地、加左山椒帶出個鮮味。冬瓜清新、湯底濃郁香醇、腐皮豆味超級濃郁。
壽司十貫：
伊佐木：味道偏淡 反而wasabi味比較突出
帆立貝：肉質鮮甜、加左青檸好清新
深海池魚：肉質比較脆口、有甜味同creamy ，加左青柚子皮好清新，個人最鍾意呢款
北寄貝：上臺前師傅會拍一拍佢、之後仲會郁。非常脆口、海水味比較濃
鮫鰈魚：上面一塊係炙燒魚邊、下面係生既。魚油味濃、幾鮮甜、炙燒好香口
鹿兒島間八魚：肉質爽口、味道比較清爽
鯖魚：魚味比較濃但完全無腥味、魚肉比較軟
喜知次：油脂較濃、但肉質會比較爽口同香濃
中トロ：肉質軟霖、魚同血味濃
海膽壽司：超級多海膽、會係你面前加上淡雪鹽同金粉、好好既experience。海膽好creamy同鮮甜。
吸い物：蜆肉清湯，非常清甜、蜆肉爽口
甜品：紅酒啫喱配西瓜 紅肉蜜瓜
紅酒啫喱同西瓜意外好match、清甜爽口。
Post
