SUGAR 甜品屋 (Closed)

記得上一次嚟嘅時候，正值炎夏，搵到我身水身汗，結果食咗佢哋一客椰皇雪山，好味到 ~~~~~~~~~ 今次打算再光顧，以為上次嚟過就一定認得路，信心十足，地圖都冇帶，點知行到附近，仲係一臉茫然，完全唔記得方位 ... 唔好急，愈急愈衰，行過百樂酒店、味皇 ......... 愈來愈熟悉，喺某個角落位置，仲搵你唔到 ... 似乎係啱啱開舖，一男一女喺度忙住摺餐牌，一見有客人，就即刻上前遞餐牌 ... 最後，決定要一客夢幻組合 (芝麻雪糕 + 雲呢嗱軟雪糕 + 紅豆 + 涼粉 + 大西米 + 粟米片) ... 果位小姐隨即提議我要一份飛碟 + 夢幻組合，加埋都係 $29，比剩要一客夢幻組合($35)來得抵 ... 之不過，我唔多想食飛碟，佢嘅好意，唯有心領 ... 高高嘅一杯甜品，剩係賣相都已經好吸引，雪糕軟滑、有煙 un 嘅大粒西米、紅豆夠稔、涼粉爽口、粟米片香脆，一杯甜品，多重口感，係水準之作 ...食完一杯，仲想嚟多杯椰皇雪山，但都係留待下一次啦 ... 到埋單比錢時，負責收錢嘅果位先生依然係笑容滿面，帶住第二次良好印象離開，都算唔錯 ...