茶理史 (Closed)

大熱天時行街必須要有杯凍嘅嘢飲，呢啲時候，任何沖嘢飲嘅鋪頭都會選擇，所以我哋見到呢間未試過嘅鋪頭，茶理史，都決定勇敢一試。嘢飲選擇都幾多，花多眼亂之際，決定飲廣告牌上最大杯嘅海鹽雲頂桃花，其實係有草莓同桃兩種生果混合而成嘅嘢飲，見到佢加入左海鹽，覺得幾特別，所以試試佢。等左五至六分鐘到就有啦。野飲幾大杯，一飲落去係幾重果味，蜜桃味比草莓未出，唔講有草莓都未必知，整體味道不錯但係冇乜海鹽味，驚喜不大，解渴嘅話都係一個選擇嘅。