すき焼 森 (荷李活道) (Closed)

當日我哋係食$680 dinner set，當日系A4 近江牛，由淡到濃味，包括：肉眼、西冷、牛肩。每一台都會有一個師傅幫我哋整牛肉壽喜燒，關西壽喜燒嘅煮法。前菜個魷魚幾好食。當師傅開始煮牛嘅時候我都好期待，見到師傅落咗好多醬油同糖，但係完全冇掩蓋牛肉嘅味道咬落去依然充滿牛肉味&嫩滑嘅肉質纖維醬汁同牛肉嘅比例係恰到好處 本身都會有啲擔心食唔飽，因為見到啲牛肉得幾塊份量唔係多，而且自己本身又食好少飯，但最後都係食得飽嘅。最後個湯個味道都有啲特別，好似有少少中藥味嘅感覺，但唔難飲嘅。總體而言，係好食嘅，但又未去到一食就覺得驚為天人嘅味道，所以如果話係「壽喜燒天花板」其實係有啲「名大於實」！亦有可能局限於食材只係A4嘅近江牛，未去到A5級數，所以只可以話呢間餐廳的確係難book嘅，但美味度未去到「天花板」。